Зошто каснувањето од комарец чеша

Кога ќе нè касне женка комарец, таа во забоденото место излачува и малку плунка која содржи микс од антикоагуланти. Нашето тело веднаш реагира така што произведува антитела за да се одбрани од плунката на комарецот, по што се ослободува хистамин, за да се зголеми пропустливоста на капиларите за леукоцитите кои се приклучуваат во одбраната, па се формира црвен оток околу каснатото место кој чеша. Ако се чешаме, дополнително го иритираме местото на каснување, па имунолошкиот систем произведува уште антитела, поради што црвената испакнатина дополнително отекува и уште повеќе чеша.