Сумерски совети

Помеѓу реките Тигар и Еуфрат во Месопотамија, се развила прочуената сумерска цивилизација, за чија најзначајна придобивка се смета клинестото писмо, прв познат систем на пишување настанат во 3400 година пр. н.е. Во почетокот се пишувани административни и трговски документи, а во третиот милениум пред новата ера и есеи, поезија и митови. Еден од најстарите литературни списи од тоа време, Инструкции на Шурупак, е пишуван во форма на мудри совети кои сумерскиот крал Шурупак ги дал на својот наследник Зиусудра. Таткото го предупредува синот да „не донесува одлуки и да не суди кога пие пиво“, и го подучува „дека срцето кое сака го задржува семејството, а она кое мрази го уништува“.