Се проценува дека 20 проценти од паровите имаат проблем со зачнување. Кај жената неплодноста има многу можни причини, вклучувајќи полово преносливи болести, ендометриоза, пореметување на менструалниот циклус проследено со дебелина, хормонски пореметувања и изостанување на овулација, непроодност на јајчниците. Може да постојат и други проблеми. Порастот на старосната доба на бремените жени е значајна причина, затоа што жените раѓаат на постара возраст, така што ризикот од неплодност расте.

Во пресрет на големиот христијански празник Успение на Пресвета Богородица ‒ Голема Богородица на 28 Август, Берово станува најпосетено место во Малешевијата. Во организација на Општина Берово се одржува еден од најголемите фестивали на отворено во Македонија и пошироко ‒ Етно плоштад фестивал. Тие три дена додека трае Фестивалот, домаќините и посетителите можат да уживаат во звуците на музиката, како од Балканот, така и од многу земји од светот.

Летните топли денови се повик за сите разладувањето да го пронајдат во вода. Без разлика дали е во прашање базен, река, езеро или море, секогаш е актуелна опасноста од појава на воспаление на увото. После капење и пливање може да се појават симптоми како што се чувство на затнатост, непријатен шум и слух кој е ослабен, а тие во рок од 24 часа можат да прераснат во силна болка. Во тој случај без двоумење во најкраток можен рок посетете лекар.

Секој од нас ги почувствувал изгорениците од сонце. Црвенило, болка и затегнатост на отечената кожа со меури често нè терале да се запрашаме дали навистина толку сонце ни било потребно. Кај потешките изгореници можна е состојба слична на грип, проследена со мачнина, температура и главоболка. Кожата кумулативно ги собира оштетувањата од сончањето во текот на животот, затоа велиме дека „кожата памти“. Долготрајната изложеност на сонце во текот на животот може да доведе до појава на брчки, сува кожа, темни дамки, па дури и рак на кожа. Докажано е дека постои поврзаност помеѓу зачестеното изложување на сонце во детството и појава на поголем број бенки подоцна во животот. Речиси половина од сончевите зраци ги апсорбираме во периодот на детството и адолесценцијата, така што е посебно важно да се заштитат децата од изгореници.

Во текот на потрагата по исчезнатиот малезиски авион се откриени останки од едреникот Сан Хозе, кој е потопен пред повеќе од 300 години, во судир на британската и шпанската морнарица. Локацијата на бродот потонат во Карипското Море долго важела за „свет грал“ за трагачите по изгубено богатство, со оглед на тоа дека Сан Хозе носел товар полн со злато, сребро и скапоцени камења. Вредноста на богатството е проценета на 17 милијарди долари и за него водат спор неколку држави и компании.

Француската Агенција за јавно здравје неодамна ги соопштила резулатите од истражувањето спроведено во текот на 2016 и 2017 година. Во тој период бројот на пушачи од 13,2 милиони е сведен на сè уште загрижувачки 12,2 милиони жители на оваа европска земја. Ваквиот нагол пад не е забележан во истражувањата кои во текот на претходните десет години биле редовно спроведувани. Еден од главните „виновници“ за ваквите резултати се најверојатните опсежни мерки против пушење кои ги поддржуваат и ги спроведуваат надлежните институции во Франција. Овие мерки подразбираат зголемување на цените на цигарите, како и одреден надомест за пушачите кои се определиле за производи што се замена за цигарите. Најголем пад на корисниците на тутун е забележан кај популацијата која има ниски приходи, како и меѓу тинејџерите.

Нил Џемел, научник од Нов Зеланд, го предводи тимот кој ќе земе 300 примероци од водата од различни локации на езерото Лох Нес. Примероците потоа ќе бидат внимателно анализирани, а резултатите би требало да го прикажат биодиверзитетот на анализираната вода. Сите жители на езерото во текот на животот во него оставиле траги од својот генетски материјал. Научниот тим очекува на овој начин конечно да се открие мистеријата на постоењето на прочуената Неси, со оглед на тоа што резултатите ќе бидат споредувани со сите познати видови.

Неволјите на жителите на руското гратче Березники почнале кога градот е направен над рудник за сол, пред повеќе од 140 години. Но, тие за тоа станале свесни дури кога во 2007 среде градот се отворила дупка со ширина од 400 и длабочина од 700 метри. Како резултат на колапсот на подземниот систем на тунели и копови од ден во ден сè повеќе згради тонат и стануваат неупотребливи и опасни за живот. Најверојатниот исход на крај ќе биде иселување на сите 150000 жители и нивно преселување на друга локација.

Оваа титула им припаѓа на сопствениците на пасош кои можат да посетат најголем број земји без виза. Во моментов тоа се жителите на Јапонија, кои со својот пасош можат, без какви било перипетии, да влезат во 189 земји. Тие им го презеле првото место на Германците, победниците во претходните 5 години. Германија сега го дели второто место со Сингапур, со резултат од 188 достапни дестинации. Третото место им припадна на Јужна Кореја, Финска, Франција, Италија, Шпанија и Шведска.

Прочуената фотографија е направена на 14.3.1951 година во клубот Принстон по прославата на 72. роденден на научникот. Ајнштајн во текот на целата вечер бил на мета на бројни фотографи и трпеливо им позирал. Во моментот кога тргнал кон дома, некој побарал уште една фотографија. Фотографот Арт Сасе успеал да ја забележи реакцијата на тој повик, а на Ајнштајн фотографијата толку му се допаднала па порачал повеќе примероци. Во наредните години ги користел како честитки за пријателите.