Природната ризница изобилува со состојки корисни за нега на косата, искористете го тоа на најдобар начин.

Кинески хирурзи со помош на 5G технологија неодамна извеле две операции на пациенти кои биле оддалечени неколку илјади километри од нив. Прво хирург од Пекинг оперирал црн дроб на пациент во Шенжен, а потоа хирургот Линг Жипеј, од клиниката на островот Хајнан, вградил неутрален стимулатор во мозок на пациент во пекиншкиот клинички центар, оддалечен 3 000 километри. Брзината на врската е клучна во комуникацијата помеѓу хирургот и роботизираните инструменти, а 5G технологијата тоа го овозможува.

Во текот на последните години дошло до драматичен пад во бројноста на популацијата на арктичкиот морски папагал. Оваа симпатична птица се гнезди во колонии сместени на карпите во Исланд, Гренланд, Њуфаундленд, Ирска и Норвешка. Поради климатските промени, загадувањата на океаните, како и појавата на глувци, мачки и кучиња на териториите на кои овие птици традиционално се гнездат, пореметена е природната рамнотежа. Сите овие фактори се последица на човечката негрижа, а доколку нешто не се промени, овој вид ќе исчезне.

Францускиот производител на автомобили Бугати на овогодишниот саем во Женева го претставил автомобилот посветен на легендарниот модел Type 57 SC Atlantic. Модерната верзија на еден од најубавите автомобили во историјата на оваа индустрија е направена од јаглеродни влакна. Посебно внимание е посветено на аеродинамичноста. Рачно работената каросерија е обоена во црно, што влијаело и на називот на автомобилот Bugatti La Voiture Noire (црн автомобил). За погон е употребен моторот 8.0 W16 Quad turbo, со сила од 1 500ks (1 103kW) и 1 600Nm максимален вртежен момент (спецификациите не се разликуваат од моделите Chiron и Divo). Автомобилот е продаден уште пред саемот, а достигнал цена од 16,7 милиони евра, што го прави најскап автомобил на денешнината.

По повод 350 години од смртта на славниот холандски сликар Рембрант ван Ријн американските научници го реконструирале неговиот глас. Овој проект го нарачала холандската банка ING, главен спонзор на амстердамскиот музеј Ријксмусеум, кој ја има најголемата збирка на дела од Рембрант. Гласот е реконструиран врз основа на автопортетот кој уметникот го насликал во текот на животот. Анатомијата на Рембрантовата глава е репродуцирана во дигитален облик и врз основа на тоа е заклучено како звучел неговиот глас.

Внатрешните корици на сите британски пасоши се украсени со слика од редот куќи во Арлингтон. Ова живописно селце е наоѓа на југозапад на Англија во Глостешир. Прочуениот ред куќи настанал во 14 век како место каде е складирана волна за потребите на блискиот манастир. Работата со волна била главна преокупација на овдешните жители сè до 19 век. Британскиот поет Вилијам Морис го нарекол Арлингтон најубаво село во Англија, а во одморот во идиличниот предел уживал и јапонскиот цар Хирохито.

Чувството на среќа не е запишано во ДНК како бојата на очите, туку се учи како и вештината за пливање. На нас е задоволството да го препознаеме во малите, базични и вечни нешта и да научиме да го разликуваме од инстант среќата која ја купуваме и понекогаш скапо ја плаќаме.

Покрај тоа што ги прават нашите оброци повкусни, зачините имаат бројни корисни особини за нашето здравје.

За еден производ да може да биде препознаен и регистриран како традиционален растителен лек, мора да задоволи некои многу специфични услови.

Најчестите алергиски заболувања кои се јавуваат кај популацијата се алергиски ринитис и атопичен дерматитис.