Иако ова е честа болест која во светот ја намалува работната способност и доведува до променет квалитет на живот, денес постојат современи методи на лекување со помош на кои мигрената се држи под контрола, со превенција на напади и продолжен период без тегоби.

Редукцијата на телесна тежина кај дебелите лица со преддијабетес и дијабетес е составен дел од лекувањето.

Прекумерен внес на шеќер може да доведе до сериозни здравствени пореметувања, затоа е добро да се избегнува или барем неговата употреба да се сведе на најмала можна мера.

Успехот од искоренувањето на некои заразни болести го должиме на усовршувањето на технологијата за производството на вакцини – денес се произведуваат вакцини со висок степен на имуногеност, а со низок степен на несакани дејства.

Учењето нови вештини нè прави поспособни да се избориме со секојдневните предизвици. Стресот не е можно да се избегне, но е можно да се победи.

Во текот на идната година во Норвешка ќе биде завршена изградбата на највисоката зграда во светот со дрвена конструкција. Сместена стотина километри северно од Осло, на брегот на езерото Мјос, овој градителски потфат ќе биде висок 85,4 метри, и ќе има осумнаесет ката. Во изградбата е користено ламинирано дрво, а поборниците на ваквата градба тврдат дека тоа е еколошки исправно решение кое ќе влијае на намалување на емисиите на јаглерод диоксид.

Добата на вселенски летови даде увид во деталите на пределите на Земјата кои не е можно да се познаат од тлото. Еден од примерите на таквите откритија е т.н. „око на Сахара“, мистериозна кружна трансформација со пречник од 40 километри која се наоѓа на територијата на Мавританија. Геолошката формација Ришат се состои од неколку концентрични прстени со правилен облик. Додека некои научници се уверени дека тоа е последица на поместување на континенталните плочи, други веруваат дека токму тука е скриена Атлантида.

Индиецот Јадав Пајенг над 30 години од својот живот ги посветил на пошумување на островот Мајули на реката Брамапутра. Како резултат на сечење на шумата и ерозија во текот на минатиот век дошло до намалување на островската површина. Индиската влада започнала процес на пошумување, но проектот е напуштен во 1983 година. Меѓутоа, Пајенг продолжил самостојно да работи на зачувување на островот. Прво садел бамбус, а потоа почнал на островот да носи и садници од други растенија. Резултатот од неговиот повеќедецениски труд е 550 хектари покриени со густо шумско зеленило кое претставува дом за многу животински видови. Индиската влада не била свесна што се случува на островот сè до 2008 година кога крдо диви слонови решило да почне да ја посетува шумата Молај, како што го нарекол своето дело Пајенг. Островот Мајули е сочуван од исчезнување, а упорниот Индиец со своето дело му даде пример на целиот свет.

Компанијата Фолксваген најавила дека во јули наредната година ќе го запре производството на прочуената „буба“. По речиси седумдесет години сериско производство ширум светот, во текот на кои легендарниот автомобил неколку пати доживеал дизајнерски трансформации, препознатливите контури засекогаш ќе престанат да се произведуваат на производствените ленти. Оригиналниот дизајн на „бубата“ е дело на Фердинанд Порше, а својата најголема популарност ја доживеала кон крајот на шеесетите години од минатиот век.

Со веќе добро познатиот факт за важноста на здравата исхрана и вежбањето, постои уште една состојка на рецептот за долг живот. Него го препорачала Гертруда Милер, Американка која живеела речиси 117 години. „Љубезноста е моја тајна. Однесувајте се на вистински начин и бидете љубезни кон другите луѓе и тие ќе бидат љубезни кон вас“, открила Гертруда во еден од последните разговори со новинарите.