Појавувањето на поголема група луѓе еднообразно облечени секогаш има одреден ефект врз нашето внимание. Едноставно не е можно да останат незабележани. Во зависност од околностите, емоциите кои ваквата средба ги предизвикува може да бидат позитивни и негативни. Меѓутоа, глетката на деца во училишна униформа најчесто асоцира на одреден вид уреден систем и доверба. Во времињата кога овие категории недостигаат, ова е, секако, убава слика.

Бременоста носи многу промени во женскиот организам, од зголемување на тежината до промени во севкупниот хормонски статус. Сето тоа е дел од природниот процес кој за цел има раѓање на здраво бебе со што помалку последици по здравјето на мајката. Меѓутоа, одредени делови од тој процес понекогаш доведуваат до промени во изгледот кој ги загрижува идните мајки. Стриите високо котираат на листата на несакани последици, бидејќи многу често се јавуваат во текот на бременоста.

Тиквеш или Тиквешија е низина и етногеографска област која се наоѓа во централниот и јужниот дел на Македонија. На исток се граничи со Повардарието, на југ со Мариово (Тиквешко Мариово), на запад со Пелагонија, а на север преку врвот Ножот на планината Клепа е одделена од малата Изворска област и Азот, односно поширокиот Велешки регион. Низ Тиквеш течат Раечка Река, Дошница, Бошава и Црна Река на која е изградено познатото вештачко Тиквешко Езеро.

Чоколадото во Европа стигнало во 16 век, а денес Европејците се на прво место на планетата по изедената количина. Меѓу нив водат жителите на Велика Британија, Швајцарија и Германија, чија просечна годишна потрошувачка на чоколадо е околу 11 килограми по глава на жител. Во таа количина е пресметано и белото чоколадо, чиј ден се одбележува на 22 септември секоја година.

Иако дури 60% од луѓето не се сеќаваат на своите сништа, тоа не значи дека не сонуваат. За среќа на човештвото, во таа популација не спаѓале некои од големите умови чии откритија го изменија светот. Ќе го споменеме Димитри Менделеев кој го сонувал периодниот систем на елементите, Никола Тесла и неговиот генератор на наизменична струја, а наводно и Лари Пејџ прво го сонувал Google пред ние да имаме можност да го користиме.

Ештон Кофер, млад пронаоѓач, со својот тим успеал да пронајде начин за рециклирање стиропор. На идеја дошол кога еден од членовите на тимот, по враќањето од патување во земјите од Централна Америка, соопштил дека видел плажи буквално прекриени со стиропор.

Хотелскиот комплекс Сан Алфонсо де Мар во Чиле е место каде што можете да уживате во базен кој се протега речиси километар во должина. Најголемата длабочина на тиркизносината вода е 35 метри, а температурата на филтрираната вода од Тихиот Океан е 26 степени. Тука можете да пливате, да нуркате, да едрите и да скијате на вода, сето тоа без опасности кои инаку демнат во океаните. Овој базен е голем колку 6000 стандардни базени.

Сите кои сакаат на спектакуларен начин да изведат запросување ќе мора да се стрпат до 2022 година. Од тогаш ќе биде достапна можноста за лет по патеката по која некогаш одела мисијата Аполо 8. Патот до влезот во Месечевата орбита ќе трае 3 дена, а младенците прво ќе мора да поминат обука во траење од 12 недели. Вселенската капсула за венчавања ќе се движи со брзина од 38000 километри на час. Цената, секако, ќе биде астрономска.

Мозокот е составен од милиони нервни клетки повеќекратно поврзани во фукционални целини, кои координирано ја контролираат работата на сите системи на органи. Мозочното ткиво е заштитено со сложени мембрани, преку кои добива есенцијални хранливи материи, кои потоа ги метаболизира во корисна енергија. До повреда на мозочните функции може да дојде како резултат на физичка траума, болести на крвните садови (мозочен удар), дегенеративни болести на нервниот систем (Алцхајмерова болест, Паркинсонова болест и друго) или секундарно, како последица на други заболувања (дијабетес, малнутриција, карциноми и друго).

Сите знаеме како изгледа кога некое парче облека едноставно мора да го купиме во одреден момент. Го носиме дома, ќе го облечеме еднаш или двапати и потоа го ставаме на сигурно место, во гардероберот, каде во текот на наредните месеци уредно го прескокнуваме при комбинирањето облека. Решението на оваа ситуација обично се движи во два правца. Еден е оној кој подразбира дека когаш-тогаш ќе мора да се решиме од вишокот облека од својот гардеробер, за да ослободиме простор за нова гардероба. Ова, секако, е избор кој го поддржуваме, но, сепак, со мала задршка. Добро погледајте ја облеката која одамна не сте ја облекле и изберете парчиња кои со малку фантазија може да добијат сосема нов изглед. Тоа е тој втор правец, кој, освен што ви дозволува да ја искажете сопствената креативност, придонесува за вашиот буџет, а вас ве прави препознатливи по единствениот моден стил.