На југот од Полска се случила неверојатна сообраќајна незгода. Поради превртување на цистерна која превезувала 12 тони чоколадо, сообраќајот бил запрен со часови. Автопатот бил прекриен со сладок слој со дебелина од пет сантиметри, а чоколадото набрзо после излевањето почнало да се стврднува. Чоколадната глазура е успешно отстранета со интервенција на надлежните служби на кои ова им бил единствен случај во кариерата.

Појавата на стомачната дебелина укажува на ризик за развој на шеќерна болест, атеросклерозни компликации како што се ангина пекторис, инфаркт и мозочен удар, масни неалкохолни болести на црниот дроб, сексуални пореметувања и неплодност, депресија и карцином. Откриено е дека во масните клетки на стомакот се лачат бројни фактори за воспаленија и тромбоза кои се одговорни за сите овие процеси.

Комуникацијата е од витално значење за создавање и одржување на односите, без оглед на тоа дали се работи за интимна врска ‒ однос со партнер, дете или пријател или професионален однос со колега, надреден или клиент. Нашите комуникациски вештини влијаат на начинот на кој ги решаваме препреките на кои наидуваме, како и на начинот на кој ги решаваме конфликтите, и на нивото на доверба која се создава преку односот.

Една од основните здравствени препораки кон која би требало да се придржуваме во текот на топлите денови е онаа која се однесува на приспособување на режимот на исхрана. Летните оброци не би смееле да бидат тешки, а со изобилство од свежи намирници на пазарите и во продавниците нема ни потреба за тоа. Оброците, исто така, не би требало да бидат преобилни, подобро е да се јаде почесто, а помалку. Ви препорачуваме да испробате некои од овие рецепти.

Неефикасното трошење на внесените калории е причина за добивање вишок килограми, а настанува како последица од забавена работа на метаболизмот. Причините можат да бидат бројни, од генетски предиспозиции, преку неурамнотежена исхрана, стрес, недостиг на физичка активност, па до сериозни здравствени пореметувања. Најчесто во прашање е комбинација од неколку наведени фактори, а охрабрувачки звучи податокот дека дебелината предизвикана од пореметување на работата на ендокриниот систем е далеку поретка од онаа настаната од недостиг на физичка активност. Премалку движење се смета за главна причина на многу здравствени проблеми на денешницата.

Најголемата река која тече низ Македонија и една од поголемите на Балканот, Вардар, извира во селото Вруток, под Шар Планина, југозападно од Гостивар. Изворот на Вардар e силен крашки извор на 683 метри надморска височина. Својот тек Вардар го завршува во Егејско Море, западно од Солун. Вкупната должина на реката од изворот до вливот во Егејско Море е 388 километри.

Досега се индентификувани над 500 различни растителни пигменти кои припаѓаат на групата каротеноиди. Одговорни се за интензивната обоеност на овошјето и зеленчукот, во природата ги има во изобилство, а нивен најпознат претставник е бета-каротинот. Своето име го добил од латинскиот назив за морковот, од кој прв пат е изолиран во почетокот на 19 век.

Оваа пролет светот остана без последниот жив примерок на мажјак на северниот бел носорог. Ветеринарите кои се грижеле за него, во резерватот Ол Пејета во Кенија, по влошување на неговата здравствена состојба биле принудени да го успијат. Постојат уште две преживеани женки кои припаѓаат на овој вид, а научниците се надеваат дека благодарение на сочуваниот генетски материјал ќе успеат да извршат вештачко оплодување. Дури и во тој случај опстанокот на северниот бел носорог е крајно неизвесен.

Истражувањето објавено во списанието Scientific reports укажува на тоа дека во учебниците по анатомија наскоро би можела да се појави дополнителна содржина. Според оваа студија, околу 20 % од течноста во нашето тело не се наоѓа во клетките. Таа, заедно со мрежа од густи сврзни ткива и комори кои ги исполнува, извршува одредена задача, како и кој било друг орган. Авторите на студијата овој „нов орган“ го нарекле „интерстициум“, а идните истражувања ќе покажат дали се во право.

Швајцарските научници после испитување на остатоци на метеорит кој експлодирал над северен Судан во 2008 година, заклучиле дека тоа небеско тело, всушност, е остаток од „прото планета“, една од десетината планети кои постоеле во нашиот Сончев систем. Дијамантите пронајдени во испитаните примероци може да настанат само под притисок поголем од 20 гигапаскали, што се услови можни само во внатрешноста на големите планети. Ова откритие оди во прилог на теоријата според која денешните планети настанале од остатоци од некогашни небески тела. Тие биле со големина на Марс, со текот на времето срастувале во поголеми планети, се губеле во меѓусебни судири, судири со Сонцето, или заминувале надвор од границите на Сончевиот систем, пред повеќе милијарди години.